Guest Reviews

Leon en Adri is so hulpvaardig en gasvry. Dit was 'n wonderlike vakansie in 'n pragtige wêreld.
Die Oos-Vrystaat is so mooi en daar is baie om te doen en sien. Leon en Adri se plaas is goed geleë en bied so baie - die natuur, rus, stap, geskiedenis. Mens kan 'n piekniek geniet in die berg met 'n mandjie vol heerlikhede wat hulle vir jou gereedmaak. Die verblyf is uitstekend en daar is verskillende opsies. Hulle kon ons ook so baie inligting gee oor wat om te doen en besigtig in die omgewing. Die plaas is naby die pragtige en interessante dorpie Fouriesburg.

Die verblyf by Affi Lande was vir seker een van ons beste naweke weg en ons volgende besoek by Affi Lande word reeds beplan.
Ons besoek aan Affi Lande was voorwaar baie besonders. Die natuurskoon in herfs is baie spesiaal. Die plaas het 'n paar besonderse aktiwiteite wat ons terdeë geniet het. Die omgewing en naburige dorpe het meer as genoeg om te doen vir die wat besig wil bly. Ons langnaweek was nie lank genoeg nie. Sal vir seker weer die plaas besoek.

Peaceful, cosy, a happy place.
Leon and Adri are lovely hosts and made us feel welcome from the minute we got there. It is a lovely boutique guest farm with loads to do on it. Ceasor the resident dog makes himself comfortable with you. I will go back any day.

Ek praat namens my ouers wie daar gaan bly het: Dit was ongelooflik lekker en ontspannend! Adri is 'n wonderlike gasvrou!
Wat 'n merkwaardige, ongelooflike, kreatiewe vrou, met 'n hart van goud! Ek en my broer het dit goed gedink om ons ouers te bederf met 'n naweek weg vir hul 33ste huweliksherdenking. Ek het navrae gedoen by Affi Lande Boetiek Gasteplaas omdat ek gedink het my ouers sal dit verskriklik geniet, en het hulle nie! Van die kamer, die gasvryheid tot die plaas by Affi Lande, het dit vir seker my verwagtinge en my ouers s'n by verre oortref. Adri se moeite en liefde wat ingaan in haar werk by Affi Lande Boetiek Gasteplaas het ek en my ouers beleef! Vir 'n beter gasvrou kon ek en my ouers nie voor gevra het nie! Ek beveel Affi Lande Boetiek Gasteplaas vir enige iemand aan. Ek beplan om self daarheen te gaan om Adri te ontmoet en die mooiheid van haar plaas op Fouriesburg te gaan aanskou en te ervaar. Adri, weereens dankie vir al jou moeite wat jy gedoen het toe my ouers daar by jou was! Ek kon nie vir hulle 'n beter plek kry as Affi Lande Boetiek Gasteplaas nie, want jy en Affi Lande is die beste! Hoop om jou gou te sien!

Hope vars lug, vrede, gerieflik en rustig.
Was tuis in die Kliphuis. Eerste indruk: warm en gesellig, en binne baie kreatief en met sorg gedoen met van die beste linne! Heerlik geslaap. Kans gegun om rustig te ontspan en batterye te herlaai. Salig! Sal definitief weer besoek as ons in die area is. Daar is ongelooflik baie om te doen en sien. Naweek te kort.

Ons het heerlik gekuier en dit is die plek waar gasvryheid welig groei.
Ons het in die studio geslaap. Die interieur is pragtig gedoen. Voel soos hotel in die berge. Pragtige omgewing

Beslis 'n belewenis!
Wat 'n heerlike kuier! Adri en Leon, ons gashere, het uit hul pad gegaan om ons te akkommodeer. Die verblyf was baie goed ingerig en besonders. Ons hele familie groep kan nie uitgepraat raak oor pragtige plek en omgewing nie. Voorwaar besonders.